香港夏天又熱又焗，出街一身背心短褲，條腰同手臂日日都要見人。到咗呢個時候，好多人都會諗住減肥瘦身。不如諗深一層，大家係咪只係想輕幾磅？定係想著衫好睇啲，個人冇咁腫脹，行路都精神啲嘅「輕盈狀態」？
與其係咁追磅數，不如由日常飲食入手，穩定血糖、減少疲倦同暴食感，身體自然輕盈落嚟，咁先至係健康又可持續嘅夏日瘦身方法。
咩係「低GI飲食」？穩定血糖、減水腫嘅關鍵
「低GI飲食」呢幾年真係愈嚟愈Hit，特別適合想減水腫瘦身或者穩定血糖嘅人。簡單嚟講，GI（升糖指數）係睇食物食落肚後，令你血糖升高嘅速度。
- 高GI食物（ 例如白飯、麵包）：消化快，血糖飆升得快，容易引發疲倦感同脂肪囤積。
- 低GI食物（例如比如糙米、蔬菜）：消化慢，血糖升得平穩，身體自然運作得平穩啲，好似幫身體換咗「耐力型燃料」咁。
低GI飲食嘅4大好處｜唔止減肥，連精神都好咗
低GI飲食唔係淨係幫你瘦，仲有以下實際好處：
- 飽肚感耐啲，血糖平穩，唔容易突然餓，零食吃少咗，自然吸收嘅熱量都少咗。
- 飯後唔再眼訓，唔再有「飯氣攻心」，工作效率都高啲。
- 集中力Up，血糖穩定咗，腦袋都清醒啲。
- 穩定減脂，避免胰島素大波動，減低脂肪積聚機會，減磅過程穩陣。
所以低GI飲食唔單止適合想瘦身嘅你，同樣可以推薦比需要控制血糖嘅朋友。
低GI飲食點樣開始？從3個簡單步驟入手
要開始低GI飲食其實很簡單，唔需要刻意捱餓，從日常嘅「選擇」開始就得！
第一步：揀啱「低GI」食物
以下呢D都係日常比較常見嘅「低GI」食物，建議從每日嘅主食開始改變，係最 簡單嘅入門方式。
- 全穀物： 糙米、紅米、藜麥、燕麥
- 根莖類： 番薯、山藥
- 水果類： 蘋果、奇異果、士多啤梨
- 蔬菜類： 西蘭花、菠菜、羽衣甘藍等大部分綠葉蔬菜
- 健康零食： 原味堅果
飲食建議：每日主食起碼有1/3選擇全穀物，例如用糙米代替白飯，早餐用燕麥代替白包，已經係開始低GI飲食嘅第一步。
第二步：小心！錯誤煮法令低GI變高GI
唔少人買咗低GI食材，但煮法搞錯，結果血糖照升。以下呢幾點「隱藏高GI陷阱」一定要留意：
- 唔好煮到爛晒：糙米飯煮得太腍，升糖會快。
- 番薯唔好搗爛：切件蒸熟比整番薯蓉好。
- 意粉記得煮到Al Dente：有彈牙感，升糖會慢啲。
記住啦，保留咬感 = 保留低GI效果。好多時我哋煮錯咗，自己都唔知，成件事就功虧一簣。
第三步：識配搭蛋白質同健康脂肪，先叫穩陣
想進一步穩定血糖，單靠揀低GI食物未必夠，學會「聰明搭配」係致勝關鍵：
- 配合優質蛋白質，如雞胸肉、三文魚、豆腐。
- 加入健康脂肪，例如橄欖油、牛油果（注意總攝取量）。
- 每餐保持均衡比例，可以延緩碳水化合物消化，減少血糖急升。
提提你：低GI唔等於低卡，堅果、牛油果雖然好，但記得要適量食。
飲品係減腫關鍵！告別含糖飲料嘅疲憊陷阱
你覺唔覺得，有時明明沒吃乜嘢，但身體仲係感覺特別「腫脹」？元兇可能就係你手上杯飲品！一杯奶茶或含糖咖啡，不單止令血糖坐上「過山車」，其中嘅奶精同添加物亦可能會導致水腫。
想減輕身體負擔，從換杯飲品開始最簡單。Dandy Blend 蒲公英即溶草本飲，就係唔少人推薦嘅健康飲品。
- 無咖啡因、無糖： 唔會搞亂血糖，唔會飲完愈飲愈攰。
- 天然利尿、去水腫： 蒲公英根可以幫你排走身體嘅多餘水分，減輕水腫、脹氣感。
- 抗氧化成分（如多酚、β-胡蘿蔔素）： 減低因慢性炎症引起嘅反覆性水腫。
飲落有啲似咖啡嘅香氣，早餐沖一杯够曬醒神，下午飲嚟轉換口味都啱，簡單輕盈無負擔。
減磅唔等於靚，輕盈精神先吸引
瘦唔代表靚，死捱節食搞到荷爾蒙亂晒、皮膚差、情緒差、成個人冇晒精神，咁樣瘦得嚟唔健康又唔快樂。
不如由聽日開始，將白飯換成糙米、珍珠奶茶換成 Dandy Blend 蒲公英即溶草本飲，感受下輕盈無負擔嘅自己。你會發現，飲食轉一轉，唔止個人舒服咗，連心情都好咗！
想知多啲 Dandy Blend 蒲公英即溶草本飲 嘅好處？點樣沖最好飲？點擊睇返《蒲公英茶的好處》睇埋詳細教學，開啟您的健康輕盈生活！